გამოცხადებულია ექსპერტთა მოწვევა!
მიმდინარეობს სტატიის შინაარსის განახლება
2017 წლის 1 სექტემბრისთვის საქართველოს უნდა განეხორციელებინა შემდეგი
- კონკრეტული პროექტების გარემოზე ზემოქმედების შეფასების 2011/92/EU დირექტივის შესრულება. კერძოდ:
- ეროვნული კანონმდებლობის მიღება და კომპეტენტური ორგანო(ები)ს განსაზღვრა (მუხლები 2 და 3)
- მოთხოვნების ჩამოყალიბება, რომლითაც დირექტივის I დანართის პროექტები დაექვემდებარება გარემოზე ზემოქმედების შეფასებას (გზშ) და პროცედურების შემუშავებას, რათა გადაწყდეს, დირექტივის II დანართის რომელი პროექტები საჭიროებს გზშ-ს (მუხლი 4).
- იმ ინფორმაციის შემადგენლობის განსაზღვრა, რომლის წარმოდგენაც მოეთხოვება დეველოპერს (მუხლი 5);
- გარემოს დაცვის უწყებასთან და საზოგადოებასთან კონსულტაციების პროცედურების განსაზღვრა (მუხლი 6);
- ინფორმაციის გაცვლისა და კონსულტაციების მექანიზმის შემუშავება ევროკავშირის იმ წევრ ქვეყნებთან, რომელთა გარემოზეც პროექტმა შესაძლოა მნიშვნელოვანი გავლენა მოახდინოს (მუხლი 7);
- განვითარების ნებართვის შესახებ გადაწყვეტილების შედეგების თაობაზე საზოგადოების ინფორმირებისათვის სათანადო ზომების მიღება (მუხლი 9);
- ადმინისტრაციულ და სამართლებრივ დონეზე ეფექტიანი, ხელმისაწვდომი და დროული განხილვის პროცედურების დანერგვა, რომელშიც ჩართული იქნება საზოგადოება და არასამთავრობო ორგანიზაციები (მუხლი 11).
- ეროვნული კანონმდებლობის მიღება და კომპეტენტური ორგანო(ები)ს განსაზღვრა შემდეგი დირექტივების განხორციელებისთვის:
- გეგმების და პროგრამების გარემოზე ზემოქმედების შეფასების 2001/42/EC დირექტივა,
- გარემოს დაცვასთან დაკავშირებული გეგმებისა და პროგრამების შემუშავებაში საზოგადოების მონაწილეობის უზრუნველმყოფი 2003/35/EC დირექტივა,
- გარემოსდაცვითი პასუხისმგებლობის თაობაზე 2004/35/EC დირექტივა,
- საზღვაო გარემოს დაცვის 2008/56/EC დირექტივა,
- ნარჩენების მართვის 2008/98/EC დირექტივა,
- ნაგავსაყრელების მართვის 1999/31/EC დირექტივა,
- მოპოვებითი მრეწველობის ნარჩენების მართვის 2006/21/EC დირექტივა.
- გარეულ ფრინველთა დაცვის 2009/147/EC დირექტივის შესრულებისთვის:
- ფრინველთა იმ სახეობების შეფასება, რომლებიც საჭიროებენ კონსერვაციის განსაკუთრებულ ზომებს, ასევე ფრინველთა რეგულარულად მიგრირებადი სახეობების შეფასება.
- ბუნებრივი ჰაბიტატებისა და ველური ფაუნისა და ფლორის დაცვის 92/43/EC დირექტივის შესრულებისთვის:
- განათლების ხელშეწყობისა და საზოგადოების ზოგადი ინფორმირების უზრუნველსაყოფად მექანიზმის ჩამოყალიბება (მუხლი 22(c))
